19 may 2025-ci il tarixində V Azərbaycan Astronomiya Olimpiadası qaliblərinin iştirakı ilə XVIII Beynəlxalq Astronomiya və Astrofizika Olimpiadasına (İOAA 2025) seçmə imtahanı keçirilib.
Seçmə imtahanının nəticələrinə əsasən, ölkəmizi təmsil edəcək 5 nəfərlik komanda üzvləri müəyyən olunub:
- Oqtay Lətifli — Bakı şəhəri, Fizika,
riyaziyyat və informatika təmayüllü liseyin 11-ci sinif şagirdi;
- Məhəmməd Cəfərli — Bakı şəhəri, Texniki Humanitar Liseyin 10-cu sinif
şagirdi;
- Raiq Babazadə — Bakı şəhəri, Fizika, riyaziyyat və informatika təmayüllü
liseyin 10-cu sinif şagirdi;
- Elvin Məcidov — Bakı şəhəri, 39 nömrəli tam orta məktəbin 10-cu sinif
şagirdi;
- Aqil Güləliyev — Bakı şəhəri, Fizika, riyaziyyat və informatika təmayüllü
liseyin 11-ci sinif şagirdi.
V Azərbaycan Astronomiya Olimpiadasının təşkilatçıları Bakı Dövlət Universiteti, Azərbaycan Respublikasının Təhsil İnstitutu, N. Tusi adına Şamaxı Astrofizika Rəsədxanası, Respublika Uşaq-Gənclər İnkişaf Mərkəzi və “Həvəskar Astronomiya Cəmiyyəti” İctimai Birliyidir.
Komandanın Beynəlxalq Astronomiya və Astrofizika Olimpiadasında iştirakı Azərbaycan Respublikasının Təhsil İnstitutunun dəstəyi ilə baş tutur.
Qeyd edək ki, V Azərbaycan Astronomiya Olimpiadası və XVIII Beynəlxalq Astronomiya və Astrofizika Olimpiadasına hazırlıq dərsləri Cənubi Qafqazda yeganə planetarium olan Tusi-Bohm Planetariumun baş sponsorluğu ilə həyata keçirilir.
XVIII Beynəlxalq Astronomiya və Astrofizika Olimpiadası (İOAA 2025) 10–20 avqust tarixlərində Hindistan Respublikasının Mumbay şəhərində keçiriləcək.
Ölkəmizi təmsil edəcək komanda üzvlərinə uğurlar arzulayırıq!
