Martın 15-də V Azərbaycan Astronomiya Olimpiadasının final mərhələsi baş tutub.
Bakı Dövlət Universitetində və Naxçıvan şəhəri 3 nömrəli tam orta məktəbdə keçirilən müsabiqədə, olimpiadanın respublika turunu keçən 100-dən artıq şagird iştirak edib. Olimpiadanın final mərhələsinin qalibləri Hindistanda keçiriləcək XVIII Beynəlxalq Astronomiya və Astrofizika Olimpiadasına hazırlıq dərslərinə cəlb olunacaqlar. Final mərhələsindən öncə Respublika Uşaq-Gənclər İnkişaf Mərkəzinin və Bakı Dövlət Universitetinin mütəxəssisləri tərəfindən respublika turunu keçən şagirdlər üçün onlayn hazırlıq dərsləri təşkil olunub. Beynəlxalq Astronomiya və Astrofizika Olimpiadasına hazırlığının erkəndən başlaması məqsədini də daşıyan dərslərdə, olimpiadanın proqramına uyğun olan mövzular tədris olunub, beynəlxalq olimpiada sualları həll edilib. V Azərbaycan Astronomiya Olimpiadası qalibləri üçün hazırlıq dərsləri final turundan sonra da davam edəcək.
Qeyd edək ki, V Azərbaycan Astronomiya Olimpiadası Cənubi Qafqazda yeganə planetarium olan Tusi-Bohm Planetariumun baş sponsorluğu ilə həyata keçirilir. Komandanın Beynəlxalq Astronomiya və Astrofizika Olimpiadasında iştirakı Azərbaycan Respublikası Təhsil İnstitunun dəstəyilə baş tutur.
